போட்டி தேர்வு நோக்கிலான முக்கிய நடப்பு நிகழ்வுகள் | IMPORTANT CURRENT AFFAIRS - 10-11-2023

 போட்டி தேர்வு நோக்கிலான முக்கிய நடப்பு நிகழ்வுகள் | 

IMPORTANT CURRENT AFFAIRS - 10-11-2023 

🔘 தேசியம் :-

• இந்தியா - அமெரிக்கா இடையே பாதுகாப்புத்துறை மற்றும் வெளியுறவுத் துறையில் உறவை வலுப்படுத்தும் நோக்கில் 2+2 அமைச்சர்கள் மட்டத்திலான பேச்சுவார்த்தை புதுடெல்லியில் இன்று(நவம்பர் 10) தொடங்கியது.
• இதில், இந்திய தரப்பில் பாதுகாப்புத் துறை அமைச்சர் ராஜ்ந்தா சிங், வெளியுறவுத் துறை அமைச்சர் ஜெய்சங்கர் ஆகியோர் பங்கேற்றுள்ளனர்.
• அமெரிக்க தரப்பில் அந்நாட்டின் பாதுகாப்புத் துறை அமைச்சர் லாயிட் ஆஸ்டின், வெளியுறவுத் துறை அமைச்சர் ஆண்டனி பிளிங்கன் ஆகியோர் பங்கேற்றுள்ளனர்.
• இந்தோ-பசிபிக் பிராந்தியத்தின் சுதந்திரமான கப்பல் போக்குவரத்தை உறுதிப்படுத்துவது, முக்கிய கனிமங்களை பகிர்ந்து கொள்வது மற்றும் தற்போது நிலவும் சர்வதேச சவால்கள் ஆகியவற்றை மையமாகக் கொண்டு இந்தியாவும் அமெரிக்காவும் 2+2 அமைச்சர்கள் பேச்சுவார்த்தை நடத்துகின்றன.
• மேலும், உயர்-தொழில்நுட்பம் போன்ற முக்கிய துறைகளில் ஒத்துழைப்பை அதிகரிப்பது குறித்தும் இதில், ஆலோசிக்கப்படுகிறது.

🔴 தமிழ் நாடு :-

• புறப்பொருளைப்பற்றி வெண்பா யாப்பில் கூறும் நூல் புறப்பொருள் வெண்பா மாலை. இது புறப்பொருளுக்குரிய இலக்கணத்தையும் இலக்கியத்தையும் தன்னகத்தே கொண்டுள்ளது. இதனை இயற்றியவர் ஐயனாரிதனார். போர் பற்றிய செய்திகளை இந்நூலில் அறியமுடிகிறது.
• நொச்சி, உழிஞை, தும்பை, வாகை, பாடாண்,பொதுவியல், கைக்கிளை, பெருந்திணை ஆகிய பன்னிரு திணைகளின் இலக்கணத்தைத் துறை வகையோடு புறப்பொருள் வெண்பாமாலை விளக்குகின்றது.

 

புறப்பொருள் வெண்பாமாலை குறிப்பிடும் திணைகள்

 

திணை	பொருள் விளக்கம்
வெட்சி	பகைவரது ஆநிரை கவர்தல்
கரந்தை	பகைவர் கவர்ந்த ஆநிரை மீட்டல்
வஞ்சி	பகை நாட்டின்மீது போர் தொடுத்தல்
காஞ்சி	பகைவரை எதிர்த்துப் போரிடுதல்
நொச்சி	பகைவரிடமிருந்து மதிலைக் காத்தல்
உழிஞை	பகைவர், மதிலைச் சுற்றி வளைத்தல்
தும்பை	பகை மனனர் இருவரும் போரிடுதல்
வாகை	போரில் வெற்றி பெற்ற மன்னரைப் புகழ்தல்
பாடாண்	ஒருவனுடைய கல்வி, புகழ்,வீரம், செல்வம் முதலியவற்றைப் போற்றுதல்
பொதுவியல்	வெட்சிமுதல் பாடாண்வரை உள்ள புறத்திணைகளுக்குப் பொதுவானவற்றையும் அவற்றுள் கூறப்படாதனவற்றையும் கூறுதல்
கைக்கிளை	ஒருதலைக் காமம்
பெருந்திணை	பொருந்தாக் காமம்

• திருவண்ணாமலை மாவட்டம், ஆரணிக்கு அருகே இரும்பேடு கிராமத்தில் 300 ஆண்டுகள் பழைமையான இரு கற்சிலைகள்  கண்டெடுக்கப்பட்டுள்ளது
• இவை அப்பகுதியில் வாழ்ந்த இனக்குழு தலைவா்களின் வீரத்தைப் பறைசாற்றும் வகையில் அவா்களது நினைவாக எழுப்பப்பட்டு வழிபடப்பட்டு வருகிறது.
• தொல்லியல் துறையினா் இதை சதிகற்கள் என்று அழைக்கின்றனா்.
• விஜயநகர மன்னா்கள் காலத்தில் வீரன் ஒருவன் போரில் இறந்தவுடன் அவனது மனைவியும் உடன்கட்டை ஏறியிருக்கிறாா். அந்த இருவரையும் இன்று வரை மக்கள் ‘தங்கலான்’, ‘தங்கலாட்சி’ என்ற பெயரில் வழிபடுகின்றனர்

⚪ விளையாட்டு செய்திகள் :-

• தாய்லாந்தின் பாங்காக் நகரில் நடைபெற்ற ஆசிய சாம்பியன்ஷிப் வில்வித்தை போட்டியில் இந்திய வீராங்கனையான பிரனீத் கவுர் தங்கப் பதக்கம் வென்றார்.
• சர்வதேச அளவில் பிரனீத் கவுர் வென்ற முதல் தங்கப்பதக்கம் இதுவாக அமைந்தது.

• சீயோன் மற்றும் ஆல்வின் குழுமப் பள்ளிகள் சார்பில் சர்வதேச ஓபன் FIDE ரேட்டிங் ஓபன் செஸ் தொடர் நடத்த முடிவு செய்யப்பட்டுள்ளது.
• ரூ.3 லட்சம் பரிசுத் தொகை கொண்ட இந்த போட்டி சென்னையில் உள்ள சீயோன் சர்வதேச பள்ளியில் வரும் 18-ஆம் தேதி முதல் 21-ஆம் தேதி வரை நடைபெறுகிறது.
• அகில இந்திய செஸ் சம்மேளனத்தின் அங்கீகாரம் பெற்ற இந்த போட்டியை மவுண்ட் செஸ் அகாடமி மற்றும் தமிழ்நாடு மாநில செஸ் சங்கம் இணைந்து நடத்துகிறது.

🟣 முக்கிய நாட்கள் :-

• உத்தரகாண்ட் மாநிலமானது 09.11.2000-இல், உத்தர பிரதேசத்திலிருந்து பிரித்து தனியாக உருவாக்கப்பட்டபோது உத்ராஞ்சல் என அழைக்கப்பட்டது.
• பின்னர் 2007-இல் உத்தரகாண்ட் என பெயர் மாற்றம் செய்யப்பட்டது.
• முதல்வர் -புஷ்கர் சிங் தாமி
• ஆளுநர் - குர்மித் சிங்

• ஒவ்வொரு ஆண்டும் நவம்பர் 9 முதல் 14 வரை, அறிவியல் மற்றும் அமைதிக்கான சர்வதேச வாரம்(International Week of Science and Peace) உலகம் முழுவதும் கொண்டாடப்படுகிறது.
• தொழில்நுட்பத்தை மேம்படுத்தவும், அந்தந்த நாடுகளில் அமைதியை வளர்க்கவும் மக்களை ஊக்குவிக்கும் பொருட்டு இந்த வாரம் கொண்டாடப்படுகிறது.
• 1986 ஆண்டு முதல் இந்த வாரம் ஐக்கிய நாடுகள் சபையால் கொண்டாடப்பட்டு வருகிறது.
• 
  

• அமைதி மற்றும் வளர்ச்சிக்கான உலக அறிவியல் தினம் (WORLD SCIENCE DAY FOR PEACE AND DEVELOPMENT) ஒவ்வொரு ஆண்டும் நவம்பர் 10 அன்று கடைபிடிக்கப்படுகிறது.
• சமூகத்தில் அறிவியலின் முக்கியத்துவத்தையும், அதிகரித்து வரும் அறிவியல் சவால்கள் பற்றிய விவாதங்களில் பொது மக்களை ஈடுபடுத்த வேண்டியதன் அவசியத்தையும் எடுத்துரைக்க இந்த நாள் கடைபிடிக்கப்படுகிறது.
• 2023-ஆம் ஆண்டின் கருப்பொருள்: “Building Trust in Science”.
• 2001-ஆம் ஆண்டில் ஐக்கிய நாடுகள் கல்வி, அறிவியல் மற்றும் பண்பாட்டு அமைப்பினால் (UNESCO), இத்தினம் ஏற்படுத்தப்பட்டது.