போட்டி தேர்வு நோக்கிலான முக்கிய நடப்பு நிகழ்வுகள் IMPORTANT CURRENT AFFAIRS - 08-11-2023

போட்டி தேர்வு நோக்கிலான முக்கிய நடப்பு நிகழ்வுகள்

 IMPORTANT CURRENT AFFAIRS - 08-11-2023

🔘 தேசியம் :-

• பீகாரின் சாதிவாரி கணக்கெடுப்பு ஆய்வின் விவரங்களை சட்டப்பேரவையில் பிஹார் முதல்வர் நிதிஷ் குமார் வெளியிட்டுள்ளார்.
• மேலும், பீகாரில் இடஒதுக்கீடு 50 சதவீதத்தில் இருந்து 65 சதவீதமாக ஆக உயர்த்தப்படும் என்று அறிவித்துள்ளார்.
• இதில், பட்டியலின மக்களுக்கான இடஒதுக்கீடு 13 சதவீதத்தில் இருந்து 20% ஆகவும், இரு பிரிவு ஓபிசி இடஒதுக்கீடு 30 சதவீதத்தில் இருந்து 43% ஆகவும் உயர்த்தப்படுகிறது. பழங்குடியினர் இடஒதுக்கீடு 2% ஆக நீடிக்கிறது.

பீகார் சாதிவாரி கணக்கெடுப்பின் முக்கிய தகவல்கள்

• பீகார் மாநிலத்தில் சுமார் 2.97 கோடி குடும்பங்கள் உள்ளன. அவர்களில் 94 லட்சத்துக்கும் அதிகமானோர் (34.13 சதவீதம்) ஏழைகள் ஆவார்கள்.(அவர்களின் மாத வருமானம் ரூ.6,000 அல்லது அதற்கும் குறைவாக இருக்கிறது)
• பீகாரிலிருந்து வாழ்வாதாரம் தேடி சுமார் 46 லட்சம் பேர் மற்ற மாநிலங்களுக்கும், 2.17 லட்சம் பேர் வெளிநாடுகளுக்கும் சென்றுள்ளனர்
• 59.13 சதவீத மக்கள் சொந்த வீடு வைத்துள்ளனர்.
• 40 லட்சம் மக்கள் குடிசைப் பகுதிகளில் வாழ்கிறார்கள்.
• 63,850 பேருக்கு வீடு இல்லை.
• 94 லட்சம் குடும்பங்கள் பொருளாதார ரீதியில் பின்தங்கி உள்ளன.
• கல்வி அறிவு 79.70 சதவீதம் ஆக உள்ளது.
• ஆயிரம் ஆண்களுக்கு தற்போது 953 பெண்கள் கல்வி அறிவு பெற்றுள்ளனர்.

முக்கிய குறிப்புகள்

• 1931-ஆம் ஆண்டு பிரிட்டிஷ் ஆட்சியில்தான் சாதிவாரி கணக்கெடுப்பு நடத்தப்பட்டது.
• சுதந்திரத்திற்கு பிறகு முதல் முறையாக பீகார் அரசுதான் சாதிவாரி மக்கள் தொகை கணக்கெடுப்பை தற்போது நடத்தி முடித்ததுள்ளது.

• ஜார்கண்ட் மாநிலம், ராஞ்சிக்கு அருகில் உள்ள பக்வான் பிர்சா உயிரியல் பூங்காவில் 20 ஏக்கர் பரப்பளவில் வண்ணத்துப்பூச்சிகளுக்கென தனியாக திறந்தவெளி பூங்கா துவக்கப்பட்டுள்ளது.
• இது கிழக்கு இந்தியாவின் மிகப்பெறிய வண்ணத்துப்பூச்சிகள் பூங்கா ஆகும்.
• இந்த பூங்காவில் 88 வகையான வண்ணத்துப்பூச்சியினங்களைக் காணலாம் எனத் தெரிவிக்கப்பட்டுள்ளது.
• இந்தப் பூங்கா, வண்ணத்துப்பூச்சிகளைப் பற்றிய விழிப்புணர்வு ஏற்படுத்துவதாக அமைந்துள்ளது.

தமிழ்	English
அணைக்கட்டு	Anicut
காசு	Cash
கட்டுமரம்	Catamaram
கறி	Curry
மாங்காய்	Mango
தோப்பு	Tope
பப்படம்	Poppadam
தேக்கு	Teak
ஓலை	Olla
மிளகுத் தண்ணீர்	Mulligatanney
கூலி	Coolie
பச்சிலை	Patchouli
பலகணி	Balcony
சந்தனம்	Sandal

• உத்தரப் பிரதேசத்தில் உள்ள அலிகர் மாவட்டத்தின் பெயரை ஹரிகர் என மாற்றம் செய்ய நகராட்சி கூட்டத்தில் தீர்மானம் நிறைவேற்றப்பட்டுள்ளது.
• இருப்பினும், மாநில அரசின் ஒப்புதலுக்கு பிறகே அலிகரின் பெயர் ஹரிகர் என்று மாற்றம் செய்ய முடியும்.

முக்கிய குறிப்பு

• சமீபத்தில் மகாரஷ்டிராவின் அவுரங்காபாத், உஸ்மானாபாத் ஆகிய நகரங்களின் பெயர்களை முறையே சத்ரபதி சம்பாஜி நகர், தாராஷிவ் என மாற்றப்பட்டது என்பது குறிப்பிடத்தக்கது
• 
  

🌍 சர்வதேசம் :-

• இந்திய வம்சாவளியைச் சேர்ந்த வின் கோபால், நியூ ஜெர்சி மாகாணத்தின் செனட்டராக மூன்றாவது முறையாக மீண்டும் தேர்வு செய்யப்பட்டுள்ளார்.
• இந்திய வம்சாவளியைச் சேர்ந்த அமெரிக்கரான வின் கோபால், நியூ ஜெர்சியில் பிறந்து வளர்ந்தவர்.
• இவர் தனது இளங்கலை படிப்பை பென்சில்வேனியா பல்கலைக்கழகத்தில் முடித்திருக்கிறார். அதோடு ரட்ஜர்ஸ் பல்கலைக்கழகத்தில் பொது நிர்வாகவியலில் முதுகலைப் பட்டம் பெற்றுள்ளார்.

🔴 தமிழ் நாடு :-

• மத்திய அரசின் வனவிலங்கு வாழ்விடங்களின் ஒருங்கிணைந்த மேம்பாடு திட்டத்தின் கீழ், தமிழ்நாடு அரசு டால்பின்களை பாதுகாக்கும் நோக்கில் ‘டால்பின் திட்டத்தை’ செயல்படுத்த அரசாணை வெளியிட்டுள்ளது. இந்த திட்டம் ரூ.8.13 கோடியில் செயல்படுத்தப்படுகிறது
• தமிழ்நாட்டில் கடல்வாழ் உயிரினங்களில் 9-க்கும் மேற்பட்ட டால்பின் வகைகள் காணப்படுகின்றன. குறிப்பாக மன்னாா் வளைகுடா உயிா்க்கோள காப்பகத்தில் இவற்றின் முக்கிய வாழ்விடங்கள் உள்ளன.
• சுற்றுச்சூழலை சமநிலையில் வைத்திருப்பதில் டால்பின்கள் முக்கிய பங்கு வகிக்கின்றன.
• இந்த ‘டால்பின் திட்டம்’ கடல் சூழலின் ஒட்டுமொத்த ஆரோக்கியத்தை வலுப்படுத்தும்.
• மீனவா்கள் மற்றும் கடல் சாா்ந்த பிற மக்களுடன் இணைந்து நவீன தொழில்நுட்பங்கள் மூலம் டால்பின்கள் மற்றும் அவற்றின் நீா்வாழ்விடங்களைப் பாதுகாப்பது இத்திட்டத்தின் முக்கிய நோக்கமாகும்.

🟣 முக்கிய நாட்கள் :-

• ஜெர்மன் இயற்பியலாளர் வில்ஹெல்ம் கான்ராட் ரோன்ட்ஜென் எக்ஸ்-கதிர்வீச்சைக் கண்டுபிடித்ததை நினைவுகூரும் வகையில் ஒவ்வொரு ஆண்டும் நவம்பர் 8 ஆம் தேதி உலக கதிரியக்க தினம்(World Radiography day) அனுசரிக்கப்படுகிறது
• இந்நாண்டின் கருப்பொருளானது 'நோயாளிக்கு பாதுகாப்பு கொடுத்தல்' (Celebrating Patient Safety) என்பதாகும்.

🔵 இராணுவம் :-

• நிலத்தில் இருந்து நிலத்திற்கு பாய்ந்து இலக்குகளை துல்லியமாக தாக்கி அழிக்கும் குறுகிய தூர ‘பிரளயம்’(Pralay) ஏவுகணை சோதனையை, DRDO வெற்றிகரமாக சோதனை செய்துள்ளது.
• பாகிஸ்தான் மற்றும் சீனா எல்லைக்கோடுகளின் அருகே இந்த ஏவுகணைகளை நிலைநிறுத்த இந்திய ராணுவம் திட்டமிட்டுள்ளது.

‘பிரளயம்’ஏவுகணை - குறிப்புகள்

• பிரளயம் ஏவுகணை 350 கி.மீ. முதல் 500 கி.மீ. வரை சென்று இலக்கை தாக்கவல்லது.
• 500 கிலோ முதல் 1,000 கிலோ வரையிலான எடையை தாங்கிச் செல்லக்கூடியது.
• இந்த ஏவுகணை, இடைமறிக்கும் ஏவுகணைகளை முறியடிக்கும் திறன் கொண்டது. மேலும் ஒரு குறிப்பிட்ட தூரத்தை நடுவானில் கடந்த பிறகு, தனது பாதையை மாற்றிக் கொள்ளும் திறன் கொண்டது
• இது சீன ராணுவத்தின் வசம் இருக்கும், ‘டாங் பெங் 12’ மற்றும் தற்போது உக்ரைன் போரில் ரஷ்யா பயன்படுத்தி வரும், ‘ஸ்காண்டர்’ ஏவுகணை ஆகியவற்றுக்கு இணையானது